[ S T R ] КАНДИДАТУРА ЗА ПРЕТСЕДАТЕЛ – II.дел

Day 1,172, 09:45 • Published in North Macedonia North Macedonia • by Strumjanin



Почитувани,


На приквечерјето пред четвртите Претседателски избори во еМакедонија – Ви го презентирам вториот дел од мојата Кандидатура. Се надевам дека ќе Ви е доволно свежо за гласањето до утре. 🙂

Денес ќе Ви презентирам :

- Начин на комуникација и донесување одлуки

- Принцип на работа на Владата

- Состав на Владата во проширен состав


Пред да започнам, сакам да го изразам моето задоволство што сум официјален кандидат на двете партии во еМакедонија: Обединета еМакедонија и Македонски Национален Фронт.

Тоа е во согласност со мојата цел да обединувам, а не да разединувам.

Обединета еМакедонија досега беше моја матична партија и сум благодарен за поддршката. Од утре, го суспендирам моето членство и во ОеМ и во АрМакедон бидејќи сум убеден дека Претседателот е подеднаков за сите 10.000 граѓани (па дури и за мултињата 😛 )

Со МНФ ме врзува принципиелен договор. Се договоривме за принципи, а не за еФотељи. Не ме уценуваа, не ме условуваа за да ме подржат, не ми бараа Министерства или буџети. Се најдовме на заедничката основа дека еМакедонија треба да се гради сложно и според принципи. Им благодарам јавно за коректниот однос.



Преминувам на Програмата:


1. НАЧИН НА КОМУНИКАЦИЈА и донесување одлуки


Досега комуницирав со Вас директно и одговарав на сите добиени лични пораки. Бидејќи добивам голем број пораки, таа пракса ќе ја прекинам како заради неефикасноста и одземањето многу време.

а) Прашања до мене ќе испраќате преку Министерството за Информации. Истите ќе ги добивам, ќе правам листа и еднаш неделно ќе објавувам статија ПРЕТСЕДАТЕЛОТ ОДГОВАРА.

б) На чат, ако ми пристапите со лична порака, Ве молам не ме задржувајте повеќе од 2-3 минути. Јас досега на сите им одговарав, но ако сакате да се посветам што повеќе на еМакедонија – Ве молам имајте предвид дека не можам да чатам со 50 луѓе истовремено. Не сум препотенен или арогантен, едноставно не е изводливо ем да пишувам статии, ем да ги кооординирам Министерствата, ем да водам дипломатија и плус да чатам со сите.

Пораките за помош во леб – препраќајте ги на Црвен Крст, пораките за совети за играва – до Министерството за Образование, пораките за регутација – до Министерството за Одбрана. Си постојат соодветни институции и одговор може да добиете од секоја од нив.

в) Очекувајте Редовни Неделни извештаи за состојбите, како од мене така и од Министерствата. Ќе се потрудам да се координираме за речиси секој ден да излегува по некакво соопштение. ВЕ МОЛАМ да гласате за СЕКОЕ официјално соопштение.



ДОНЕСУВАЊЕ ОДЛУКИ


Пред да донесам крупни одлуки (како на пример таа за Армијата) – ќе објавувам Статија именувани ЈАВНА ДЕБАТА (предлогот). На таквите Статии ќе им ги читам сите коментари. Ве молам – нападнете или поддржете го дадениот предлог со АРГУМЕНТИ. Така ќе ми помогнете во носењето на правилната одлука. Откако ќе ја ислушам јавноста, и откако ќе го слушнам ставот на Владата – ќе ја донесам, објавам и образложам соодветната одлука. Иако сум слушнал многу мислења и совети, ОДГОВОРНОСТА ЗА СЕКОЈА ОДЛУКА ЌЕ Е МОЈА. Не сакам да напаѓате Влада, не сакам да напаѓате Премиер – јас лично си ја сносам одговорноста за моите одлуки. НЕМА да се кријам зад тие што ме советувале.

Важните проекти очекувајте да ги објавам на Форумот - не тука, од разбирливи причини.



2. ПРИНЦИП НА РАБОТА НА ВЛАДАТА



Владата ќе се состои од два тима – Министри и Претседателски тим.

Претседателскиот тим се состои од луѓе кои ќе ме советуваат за моите одлуки.Тие ќе ми помагаат во секојдневното менаџирање на државата. Тоа се луѓе во кои имам доверба и кои верувам дека се докажале.

Министрите - нема да се поедници – туку лидери на тимови. Секој Министер ќе има за цел да си формира тим во зависност од обемот на работа, (минимум тројца) и плус јас ќе делегирам луѓе во секое од Министерствата. Има премногу работа за да глават поединци. Сакам што повеќе од Вас да осетат како е да се има одговорност за еМакедонија и дека не е лесно.



3. СОСТАВ НА ВЛАДАТА



Претседателски тим : carlixxx, Hoban Washbourne, MeDsLeinad, Vasil Cakalarov.


Редовно ќе го консултирам и lazarosaMKD за секоја економска одлука, и мојот редовен советник – Pojacanje. 😉


Премиер и мој заменик: Argead – еден од двајцата играчи кои ги познавам РЛ. На оваа позиција поставувам човек чиј квалитет не е само тоа што му верувам. Кој го познава во РЛ – знае за каков човек станува збор и зошто мојот избор е оправдан.


Министер за Здравство – Dance Kovacevska – Заменик – Aminta Makedonecot

Министер за Образование – PhoenixMK – Заменик – Macednon

Министер за Информации – DedaNoe – Заменик – STEFANPIPO

Министер за Финансии - GOOD BEER

Министер за Економија – Kpakep4e – Заменик – SaveAss

Министер за Одбрана – Ionut Cristian – Заменик – Demigod_mk – Генерали: Slajder и rado - Советници - Alen_001 и Troj4e

Министерство за Надворешни – денес ми откажа United Macedonia, а ова е министерство за стари играчи кои имаат многу развиени контакти, па не можам да ставам нови луѓе. Додека не одредам Министер, ги замолувам United и Drashhh III Makedonski активно да ми помагаат во контактот со сојузниците.


Веќе добро докажаните Ivffan и Cyril of Macedon ги поканувам да ги советуваат Министрите кои ги наследија. И самиот кога бев еБебе учев од туторијалите на Cyril и се гребев за лепче од Ivffan. 🙂


Секој Министер ќе ми доставува План на Активности и Буџет. Јас ќе ги разгледувам и одобрувам на неделна база.


СИТЕ КОИ СЕ ПРИЈАВИВТЕ ВО ФОРМУЛАРОТ – ЌЕ БИДЕТЕ РАСПРЕДЕЛЕНИ ВО ТИМОВИ ВО МИНИСТЕРСТВА. ЌЕ БИДЕТЕ КОНТАКТИРАНИ ВО СЛЕДНИТЕ 3 ДЕНА.


Ако некого испуштив молам да ме извини и да не ми се лути, само нека ме потсети преку порака 🙂


Македонци, од задутре почнуваме !


Да живее Македонија!


Македонија на Македонците!


Останете ми со 100ка здравје!